हामी बिरामीसँग दुःख साट्छौं

नेपालमा पहिलोपटक थ्री टेस्ला एमआरआई सेवा शुरु गरेपछि आम सर्वसाधारणले स्वदेशमा नै अन्तर्राष्ट्रिय स्तरको प्रविधिबाट एडभान्सड डायग्नोस्टिक सेवा प्राप्त गर्न थालेका छन् । काडमाडौंको दरबारमार्गमा रहेको यो सेवा जीवन्त एडभान्सड काठमाडौं इमेजिङ प्रा.लि. नामबाट सञ्चालित छ । यसकी अध्यक्ष ममता घिमिरे भन्नुहुन्छ—‘थ्रि टेस्ला एमआरआइको महत्वबारे डाक्टर र बिरामी दुबैले राम्रोसँग बुझ्न जरुरी छ । पछिल्लो समयमा सरकारले गर्नुपर्ने काम निजी क्षेत्रले गरेको छ । यो साश्वत सत्य हो । नेपाली जनताका लागि ठूलो अवसर पनि हो यो ।’ प्रस्तुत छ, घिमिरेसँग गरिएको कुराकानी

यो मेसिनको महत्व के छ ?
यसबाट प्राप्त हुने इमेज अथाहा राम्रो छ । अरुसँग यसलाई तुलना नै गर्न सकिदैन ।
आम सर्वसाधारणको पहुँचभित्र छ ?
बिरामीका लागि थ्री टेस्ला एमआरआई पहुँचभित्र छ । यहाँ आएर उनीहरुले पाएको सेवा शत्प्रतिशत् भरपर्दो हुन्छ । यसबारे चिकित्सक एवं आम सर्वसाधारणले बुझ्न जरुरी छ ।

बिरामीले पाउने सेवा सुविधालाई कसरी व्यवस्थापन मिलाउनुभएको छ ?
हामीले गरेको यति ठूलो लगानी बिरामीको उत्कृष्ट सेवा र सुविधाका लागि नै हो । बिरामीहरुको रोगप्रति निकै संवेदनशील भएर सेवा प्रदान गरिरहेका छौं । एउटा बिरामीले आफ्नै घरको सदस्यको जस्तो केयर पाउँछ । हरेक दृष्टिकोणबाट बिरामीलाई सहयोग गरेका छौं । हामी बिरामीको दुःख साट्छौं ।

पाँच वर्षको अवधिमा यहाँले सँगालेका अनुभव बताइदिनुस् न ?
पूर्व मेचीदेखि पश्चिम महाकाली र तराइदेखि हिमालसम्मका बिरामीहरु उपचार सेवा लिन आउने गरेका छन् । तर यति धेरै हस्पिटल र डायग्नोस्टिक सेन्टरहरु हुँदा पनि सेवा अपर्याप्त नै भएको देखेको छु । उनीहरुले गुणस्तरीय सेवा पाउन जरुरी छ । गुणस्तरी सेवा कहाँ छ ? भन्ने कुराको धेरैमा जनचेतना छैन । धेरै नागरिक अनभिज्ञ छन् । कतिपय अवस्थामा म आफैं बिरामीको रिपोर्ट झोलामा बोकेर चिकित्सकको घरमा पुग्ने गर्छु । यसरी सेवा दिन पाउँदा गर्व लाग्छ ।
सेवा लिन यहाँ स्वःस्फूर्त आउन सकिन्छ वा डाक्टरको सिफारिस चाहिन्छ ?
कतिपय बिरामी स्वःस्फूर्त आउँछन् भने कति डाक्टरको सिफारिसमा आउने गरेका छन् । यहाँ आउने बिरामीहरु सही ठाउँमा आएर सेवा लिएका छन् भन्ने लाग्छ । अझ पहाड र हिमाली भेगका बिरामी आउँदा निकै खुशी लाग्छ । राम्रो मेसिनबाट राम्रो रिपोर्ट लिएर जान सफल भएका छन् । उनीहरुको रोग सही डायग्नोसिस भएको छ । यसले आफूलाई आफूदेखि नै खुशी लाग्छ ।

अन्तमा यहाँको के भनाइ छ ?

थ्री टेस्ला एमआरआईको सुविधा लिन विदेश जानुपर्ने समस्याको समाधान भएको छ । त्यसैले यसको महत्व बुझ्न जरुरी हुन्छ । यसबारे सञ्चारजगतले पनि बुझ्न जरुरी छ कि यसमा मूल्य मात्र जोडिएको छैन । कस्तो सेवा प्राप्त गर्न सकिन्छ ? भन्ने कुरा महत्वपूर्ण हुन्छ । यहाँ ख्यातिप्राप्त रेडियोलोजिष्ट चिकित्सकहरुले सेवा दिइरहनुभएको छ ।
थ्री टेस्ला एमआरआईका लागि २४ सै घण्टा बिजुलीको आपूर्ति हुनुपर्छ । यदि बिजुली तलमाथि भएमा मेसिनमा समस्या आउँछ । यसबारे सरकारले बुझ्नुपर्छ । सरकारले बिजुलीको सुविधा प्रदान गर्न सक्नुपर्छ । यो प्रविधि व्यापार मात्र होइन सेवा हो । यसको रनिङ कस्ट निकै महँगो छ र यो अति नै महँगो प्रविधि हो । तर हामीले सर्वसाधारणको हितलाई सर्बोपरी ठानेका छौं । यसका साथै सेवाका लागि बिरामीले लामो समय कुर्नुपर्दैन । डाक्टरहरु अति नै अनुभवी हुनुहुन्छ । म यहाँ प्रवेश गरेपछि एउटा न एउटा बिरामीलाई स्पर्श गरिरहेको हुन्छु । विशेष परिस्थितिमा व्यक्तिगत सहयोग पनि गर्छु । हर्कतले भ्याएसम्म म बिरामीलाई पूर्ण सहयोग गर्छु । यो मेरा लागि अपार सुखको क्षण हो ।

के हो थ्री टेस्ला एमआर आई ?

• एमआरआइको शक्ति टेस्लामा मापन गरिन्छ । टेस्ला भनेको एमआरआइमा प्रयोग हुने म्याग्नेटको शक्ति हो ।
• म्याग्नेटको शक्ति जति धेरै भयो त्यति नै स्क्यान गर्ने समय कम लाग्छ ।
• थ्री टेस्ला एमआरआइको रेजुलेसन बढी हुने भएकाले मसिना स्ट्रक्चरहरु राम्रोसँग देख्न सकिन्छ ।
• थ्री टेस्ला एमआरआईमा फंगसनल इमेजिङ जस्तोः ब्रेनको कुन भागबाट हात खुट्टा चलिरहेको छ, मस्तिष्कमा स्पीच (बोली), सुन्ने सेन्टर कहाँ छ जस्ता कुराहरु थाहा पाउन सकिन्छ ।
• मस्तिष्कका कनेक्सनहरु शरीरका अन्य भागसँग कसरी जोडिएका छन् ? भन्ने जानकारी थ्री टेस्लाबाट स्पष्ट हुन्छ ।
  
• यसले निश्चित फिजियोलोजीकल (शरीरक्रिया) वर्कहरु पनि देखाउन सक्छ ।
•  विभिन्न रोगको केमिकल, कम्पोजिसन कस्तो छ ? सम्बन्धित पदार्थको घटबढ कति छ भन्ने कुरा एमआरआइ स्पेक्ट्रोस्कोपीबाट हेर्न सकिन्छ ।
• मस्तिष्कमा भएको इन्फेक्सन, ट्यूमर एवं मेटावोलिक रोग छुट्याउन सकिन्छ ।
• मांशपेशी, मस्तिष्क, ढाडका रोगहरु राम्रोसँग देखाउँछ ।
•  घुँडालगायत शरीरका विभिन्न भागका जोर्नीहरुमा रोग भएको शंका भएमा पहिचानका लागि यो भरपर्दो प्रविधि मानिन्छ ।
• क्यान्सर पहिचान गर्ने र त्यसको फैलावटको चरण  हेर्न सकिन्छ ।