गर्भवती महिलाले एक दिनमा कति पानी पिउने ?
२०७६, १६ भाद्र सोमबार ११:४३ मा प्रकाशित
महिलाका लागि गर्भअवस्था निकै खुशी, महत्वपूर्ण तथा जटिल अवस्था हो । यो अवधिभर र बच्चा जन्मने समयमा गर्भवती महिला तथा पेटमा भएको बच्चाको स्वास्थ्यमा संकट आइपर्न सक्छ । विशेष गरी २० वर्षभन्दा कम अनि ३० वर्षपछि प्रथम पटक आमा बन्ने महिलामा यस्तो जोखिमको सम्भावना बढी देखा पर्ने हुन्छ । गर्भअवस्थामा रहेको शुरूका दिनहरूमा गर्भपतन हुने खतरा सबैभन्दा बढी हुन्छ ।
गर्भावस्थामा पहिलाभन्दा बढी पोषणको आवश्यकता हुन्छ । प्रोटिन, आइरनयुक्क्त खानेकुराहरु प्रसस्त मात्रामा खानुपर्छ । यसैले महिलाहरूले यस अवस्थामा आफ्नो जीवन शैली, खानपान को साथ पानीको पिउने मात्रालाई पनि निकै ध्यान दिनु पर्ने हुन्छ । आमाबाट बच्चामा पोषण जाने भएकोले आमाले आफ्नो शरीरको निकै ख्याल राख्न जरुरि देखिन्छ । गर्भवती महिलाले पहिलो महिनामा बिशेष ध्यान दिनु पर्ने हुन्छ ।
पहिलो ४ हप्ता सम्म भ्रुण राम्रो विकाश हुन सकेन भने बच्चाको मानसिकबिकाशमा समस्या आउन सक्छ र बच्चा अस्वस्थ जन्मिन्छ । गर्भवती महिलाले एक दिनमा अरुको तुलनामा धेरै पानी पिउने गर्नु पर्छ । गर्भ अवस्थामा शरीरमा धेरै पसिना आउने भएकाले गर्भवती महिलाले एक दिनमा लगभग १० कप ( २.४ देखि ३ लीटर सम्म ) पानी पिउनु जरूरी देखिन्छ । पानी मात्र नभएर पानीको साथ साथ अरू झोल पदार्थहरुको सेवन पनि गर्नु पर्छ ।
यसले गर्भवती महिलाको साथै पेटमा भएको बच्चाको स्वास्थ्यलाई पनि फाइदा पुर्याउने हुन्छ । गर्भावस्थामा कम पानी पिउने महिलालाई विभिन्न किसिमको इन्फेक्सन, रोग तथा बच्चालाई समेत समस्या हुने सम्भावना बढी हुन्छ । गर्भावस्थाको पहिलो ३ महिनामा कम पानी पिउने महिलालाई बढी तनाव महसु हुने गर्छ । धेरै तनाव लिएको खण्डमा महिलाहरुलाई समय अगावै लेवर पेन हुन सक्छ ।
गर्भावस्थामा कम पानी पिउनाले गर्भवती महिलालाई भन्दा बढी उनको पेटमा रहेको बच्चालाई असर गर्छ । पेटमा भएको बच्चाको शारीरिक तथा मानसिक विकासमा कमि आउनुका साथै यस्तो अवस्थामा गर्भपतनको डर समेत हुने गर्छ । यसका साथै समय नपुग्दै बच्चा जन्मिन सक्छ । समय अगावै जन्मिएको बच्चाको स्वास्थ्यमा धेरै समस्याहरु देखिन थालिन्छ । गर्भावस्थामा कम मात्रामा पानी पिउनाले गर्भवती महिलाको शरीरको तापमान विग्रेर असन्तुलन हुन सक्छ ।
गर्भवती महिलाको शरीरले सामान्यतया अवस्थामा भन्दा बढी हिट प्रोड्युस गर्ने भएकोले यदि गर्भावस्थाको पहिलो ३ महिनामा गर्भवती महिलाको शरीरको तापमानलाई नियन्त्रणमा राख्न सकिएन भने आमा तथा बच्चालाई समेत खतरा हुने सम्भावना बढ्दै जान्छ । त्यसैले गर्भअवस्थामा पानीको साथ साथै ताजा फलफूलको रस, दुध, तरकारीहरुको सुप, दाल पिउनु एकदमै राम्रो हुन्छ । गर्भावस्थामा बजारमा पानी फ्लेवर वाला जुसको सेवन गर्दा यसले गर्भमा रहेको बच्चालाई असर गर्न सक्छ । एजेन्सी
