तीन वर्षमा बनाइसक्नुपर्ने गरी सम्झौता भएको क्यान्सर अस्पताल भवन आठ वर्षमा पनि पूरा नभएपछि समितिले सांसद अञ्जना विशुंखेको संयोजकत्वमा भदौ ४ गते तीन सदस्यीय कार्यदल बनाएको थियो । समिति सदस्यमा सरिता न्यौपाने र एकवाल मियाँ थिए । ‘द्रूत काम गर्ने हो भने ९ महिना थप्न सकिन्छ, त्यसभित्र पनि नसके कालोसूचीमा राख्नुपर्छ’, विशुंखेले भनिन्, ‘६५ देखि ७० प्रतिशत काम सकिएको छ, अब एकपटक म्याद थपेर काम पूरा गराउन सकिन्छ ।’