Logo
|
Thursday 19th September 2019
NEWS PAPER

टेकु अस्पतालमा आफ्नै फार्मेसी शुरु



जनस्वास्थ्य सरोकार, ७ चैत्र । शुक्रराज ट्रपिकल तथा सरुवा रोग अस्पतालले सोमबारबाट अस्पतालको आफ्नै फार्मेसी सञ्चालनमा ल्याएको छ । सबै सरकारी अस्पतालमा अस्पतालको आफ्नै फार्मेसी हुनुपर्ने सर्वोच्च अदालतको फैसलापछि स्वास्थ्य मन्त्रालय मातहतका अस्पतालमा धमाधम फार्मेसी सञ्चालनमा ल्याउन लागेको हो । यसअघि पनि वीर अस्पताल, कान्ति बाल अस्पताल, प्रसूति गृह अस्पताल लगायतका केन्द्रीय अस्पतालले आफ्नै फार्मेसी सञ्चालनमा ल्याइसकेकाछन् । अस्पतालको फार्मेसीको उद्घाटन गर्दै शुक्रराज ट्रपिकल सरुवा रोग अस्पतालका निर्देशक डा. रमेशकुमार खरेलले अस्पतालको फार्मेसीमा सम्र्पूण औषधिहरु उपलब्ध हुने जानकारी दिनुभयो । सरकारले उपलब्ध गराएको ३० लाख सिडमनिबाट फार्मेसी सञ्चालनमा ल्याउन सफल भएको जानकारी दिदै निर्देशक डा. खरेलले उपभोक्तालाई अन्य फार्मेसीभन्दा सहुलियत मुल्यमा औषधि उपलब्ध गराइने बताउनुभयो । अन्य बाहिरी फार्मेसीभन्दा १० देखि १५ प्रतिशत सस्तो औषधि उपलब्ध गराउन सकिने भन्दै उहाँले फार्मेसी २४ सै घण्टा सञ्चालनमा ल्याइने जानकारी पनि दिनुभयो । उहाँले तत्काललाई एकजना स्थायी तथा तीनजना करार सेवामा फर्मासिष्टहरुमार्फत फार्मेसी सञ्चालन गरिएको बताउनुभयो ।

NH
turup
प्रतिक्रिया दिनुहोस्