स्वास्थ्य संस्थामा कारागारको सुती कपडा प्रयोग गर्ने स्वास्थ्य तथा जनसंख्या मन्त्रालयको निर्देशन

नेपल हेल्थ न्युज, काठमाडौं । स्वदेशी उत्पादनको प्रयोगलाई प्रोत्साहन गर्ने उद्देश्यले उद्योग, वाणिज्य तथा आपूर्ति मन्त्रालयले स्वास्थ्य तथा जनसंख्या मन्त्रालयमार्फत मुलुकभरका अस्पतालहरूलाई स्थानीय रूपमा उत्पादन गरिएका सुती कपडाको प्रयोग गर्न आग्रह गरेको छ।

स्वास्थ्य मन्त्रालय अन्तर्गतका सबै तहका स्वास्थ्य संस्थाहरू—संघीय अस्पतालदेखि आधारभूत र नगरपालिका अस्पतालसम्म—लाई सो अनुरोध गरिएको हो। मन्त्रालयले विशेष रूपमा उद्योग, वाणिज्य तथा आपूर्ति मन्त्रालयको मातहतमा रहेको केन्द्रीय कारागार कारखानाबाट उत्पादन भएकामा राखी प्रयोग गर्न निर्देशन दिएको छ।

यसअघि, उद्योग, वाणिज्य तथा आपूर्ति मन्त्रालयले स्वास्थ्य तथा जनसंख्या मन्त्रालयलाई पत्रमार्फत अनुरोध गर्दै स्वदेशी वस्तुको प्रयोगलाई प्रवर्द्धन गर्न सहयोग गर्न आग्रह गरेको थियो। मन्त्रालयको भनाइअनुसार, स्वदेशी उत्पादनको प्रयोगले न केवल आन्तरिक उद्योगको प्रवर्द्धन हुन्छ, तर राष्ट्रिय अर्थतन्त्र सुदृढ बनाउन पनि मद्दत पुग्छ।

सरकारले स्वदेशी उत्पादनलाई प्राथमिकता दिने नीति अनुसार, सार्वजनिक सेवा प्रदायक संस्थाहरूबाट सुरु गर्दै स्वदेशी वस्तुको प्रयोगलाई व्यापक बनाउन पहल गरिरहेको बताइएको छ। यस कदमले सरकारी निकायहरूमा आत्मनिर्भरता प्रवर्द्धन गर्नुका साथै स्थानीय उत्पादनको माग बढाउन समेत सहयोग पुग्ने अपेक्षा गरिएको छ।