स्वास्थ्य क्षेत्रको वार्षिक समीक्षा: सातै प्रदेशले हासिल गरेका प्रमुख उपलब्धिहरू

नेपाल हेल्थ न्युज, काठमाडौं । सातवटै स्वास्थ्य सम्बन्धी विषय हेर्ने प्रदेश मन्त्रालयहरूले आफ्नो प्रदेशस्तरीय समीक्षा सम्पन्न गरेका छन् र समीक्षाबाट आएका मुख्य उपलब्धिहरू यस प्रकार रहेका छन् ।

कोशी प्रदेशका सबै स्वास्थ्य संस्थामा स्वास्थ्य सेवा व्यवस्थापन प्रणाली (एमएसएस) कार्यान्वयन सम्पन्न भएको छ । मधेश प्रदेशको प्रादेशिक प्रयोगशाला तथा औषधि नियन्त्रण केन्द्र ‘पीएचएलएमसी’ मा जैव–चिकित्सा इकाई ‘बायोमेडिकल युनिट ’ सुरु भएको छ भने आयुर्वेद अस्पतालमा पनि ‘एमएसएस’ सुरु गरिएको छ । 

बागमती प्रदेशमा ‘एक जिल्ला, एक स्वस्थ सहर’ कार्यक्रम र ‘एक स्थानीय तह, एक नमुना स्वास्थ्य संस्था’ कार्यक्रम सुरु गरिएको छ। गण्डकी प्रदेशबाट सेवा ग्रहकको विवरण ड्यासबोर्डमार्फत हेर्न सकिने व्यवस्था भएको छ र विद्युतीय स्वास्थ्य अभिलेख प्रणाली ‘ईएमआर’ र ईएचएमआईएस तथा स्वास्थ्य सूचना व्यवस्थापन प्रणाली  ‘ईएचएमआईएस’  संचालनमा आएको छ।

लुम्बिनी प्रदेशले परिवार स्वास्थ्य विवरण ‘फ्यामिली हेल्थ प्रोफाइ’ तयार गर्ने कार्य सुरु गरेको छ भने खर्च गर्ने स्वास्थ्य संस्थामा शून्य वेवास्तु प्रवद्र्धन कार्यक्रम सञ्चालनमा ल्याएको छ ।

कर्णाली प्रदेशमा कीटनाशक नियन्त्रण तथा न्यूनिकरण कार्यक्रम सुरु गरिएको छ । साथै, स्वास्थ्य संस्थाहरूको तथ्यांकको गुणस्तर व्यवस्थापन गर्न हरेक महिनामा भर्चुअल बैठक राखिने व्यवस्था गरिएको छ ।  
सुदूरपश्चिम प्रदेशले ‘प्रदेशको समृद्धिको लागि स्वस्थ नागरिक’ कार्यक्रम अन्तर्गत ‘मेरो मुटु, स्वस्थ मुटु’ अभियान सुरु गरेको छ । साथै, स्मार्ट पोषण सर्वेक्षण ‘स्मार्ट न्युट्रिसन सर्वे’ पनि सञ्चालनमा आएको छ ।