स्वास्थ्य मन्त्रालयका कर्मचारीको जिम्मेवारी हेरफेर, को कहाँ ?

नेपाल हेल्थ न्युज, काठमाडौं । स्वास्थ्य तथा खाद्य स्वच्छता मन्त्रालयअन्तर्गतका कर्मचारीहरूको जिम्मेवारी हेरफेर गरिएको छ। मन्त्रालयको नीति, योजना तथा अनुगमन महाशाखाको प्रमुखमा डा. विवेककुमार लाललाई जिम्मेवारी दिइएको छ।

यसअघि नीति, योजना तथा अनुगमन महाशाखामा रहेका डा. गुणनीधि शर्माको राष्ट्रिय क्षयरोग केन्द्रमा सरुवा भएको छ। उनलाई केन्द्रको निर्देशकको जिम्मेवारी दिइएको छ।

यस्तै, राष्ट्रिय क्षयरोग केन्द्रका निर्देशक डा. भुवन पौडेलको मन्त्रालयमा सरुवा गरिएको छ। स्वास्थ्य मन्त्री निशा मेहताले भदौ ५ गते मन्त्रिस्तरीय निर्णय गर्दै उनीहरूको जिम्मेवारी हेरफेर गरेकी हुन्। निर्णयसँगै मन्त्रालय र राष्ट्रिय क्षयरोग केन्द्रको नेतृत्व तथा जिम्मेवारीमा परिवर्तन भएको हो।