दुर्गा प्रसाईंलाई  झापाको भद्रपुरबाट आज काठमाडौं ल्याइँदै,  बुद्ध एअरमार्फत ट्रान्सफर

नेपाल हेल्थ न्युज, काठमाडौं । मेडिकल व्यवसायी दुर्गा प्रसाईंलाई आज काठमाडौं ल्याइँदै छ । बुद्ध एअरको जहाजबाट प्रसाईं र उहाँको अंग रक्षक दिपक खड्कालाई काठमाडौं ल्याउन लागिएको हो । 

झापा जिल्लाको भद्रपुरबाट नियन्त्रणमा लिई आवश्यक अनुसन्धानका लागि प्रसाईं र उहाँको अंग रक्षक खड्कालाई काठमाडौं ल्याइँदै गरिएको नेपाल प्रहरी प्रधान कार्यालय प्रहरी महानिरीक्षकको सचिवालयले जनाएको छ । 

गत चैत १५ गते राजावादीको प्रदर्शनमा तीनकुने क्षेत्रमा हिंसा भड्काएको आरोप लागेपछि प्रसाईं फरार हुनुहुन्थ्यो। प्रहरीको टोली प्रसाईंलाई खोज्न केही दिन अगाडि भारत गएको थियो ।