तीनकुने घटनामा पक्राउ परेका सांसद धवलशमशेर जबरा उपचारक

नेपाल हेल्थ न्युज, काठमाडौं । तीनकुने घटनामा पक्राउ परेका राष्ट्रिय प्रजातन्त्र पार्टी (राप्रपा) का सांसद धवलशमशेर जबरालाई छाड्ने तयारी भएको छ ।   उपचारका लागि छाड्ने तयारी भएको गृह मन्त्रालय स्रोतले जानकारी दिएको छ ।

क्यान्सरका बिरामी रहेका धवललाई नियमित चेकजाँचको लागि अस्पताल जानुपर्ने भएकोले उहाँलाई छाड्न लागिएको बताइएको छ । उहाँ उपचारको लागि भारत जाने र उपचार लगत्तै पुनः कानुनी प्रक्रियामा ल्याइने तयारी छ ।  अहिले उपचारका लागि उहाँलाई पठाउन लागिएको हो, गृह स्रोतले भन्यो, लगत्तै उहाँलाई कानुनी प्रक्रियामा फर्काइनेछ ।

गत चैत १५ गते काठमाडौंको तीनकुनेमा भएको प्रदर्शनका क्रममा राज्य विरुद्धको कसुर अन्तर्गत उनलाई प्रहरीले पक्राउ गरेको थियो । उनीसहित वरिष्ठ नेता रवीन्द्र मिश्रलाई पनि प्रहरीले पक्राउ गरेको थियो । मिश्र भने हिरासतमै छन् ।