वी.पी. प्रतिष्ठानको नेतृत्व फेरियो, डा. शर्मा पुनः जिम्मेवारीमा

नेपाल हेल्थ न्युज, काठमाडौं । धरानस्थित वी.पी. कोइराला स्वास्थ्य विज्ञान प्रतिष्ठानको निमित्त उपकुलपतिको जिम्मेवारी प्रा.डा.संजिव कुमार शर्माले पाउनुभएको छ । शर्मालाई प्रतिष्ठानका कुलपति तथा प्रधानमन्त्रीको निर्णयअनुसार आइतबार निमित्त उपकुलपतिको जिम्मेवारी दिइएको प्रतिष्ठानकी प्रवक्ता प्रा.डा. अन्जु प्रधानले जानकारी दिनुभयो ।

प्रतिष्ठानको शिक्षाध्यक्ष रहनुभएको  शर्मालाई नयाँ उपकुलपति सिफासिर भई नियुक्ति नभएसम्मका लागि निमित्त उपकुलपतिको जिम्मेवारी तोकिएको छ ।

यसअघिको उपकुलपति डा.ज्ञानेन्द्र गिरीको कार्यकाल गत चैत २६ गते सक्किएको थियो । शर्माले यसअघि पनि यस प्रतिष्ठान निमित्त उपकुलपतिको जिम्मेवारी पाउनुभएको थियो ।