प्रतिनिधिसभाबाट दशरथ चन्द स्वास्थ्य विज्ञान विश्वविद्यालय विधेयक सर्वसम्मत पारित

नेपाल हेल्थ न्युज, काठमाडौं । दशरथ चन्द स्वास्थ्य विज्ञान विश्वविद्यालय स्थापना गर्ने विधेयक प्रतिनिधिसभाले सर्वसम्मत रुपमा पारित गरेको छ।

आइतबार बसेको प्रतिनिधिसभाको बैठकमा सो विधेयक सर्वसम्मत पारित गरिएको हो। बैठकमा शिक्षा, विज्ञान तथा प्रविधिमन्त्री रघुजी पन्तले राष्ट्रियसभाबाट आएको ‘दशरथ चन्द स्वास्थ्य विज्ञान विश्वविद्यालय विधेयक, २०८०’ माथि छलफल गर्ने प्रस्ताव प्रस्तुत गर्नुभएको थियो।

प्रतिनिधिसभाको शिक्षा, स्वास्थ्य तथा सूचना प्रविधि समितिले तयार पारेको प्रतिवेदनसमेत बैठकमा प्रस्तुत गरिएको थियो। छलफलपश्चात विधेयक बिना कुनै मतभेद पारित गरिएको हो।