सडकमा सुत्केरी गराएकी प्रहरी जवानलाई सम्मान

नेपाल हेल्थ न्युज, कैलाली । गोदावरी नगरपालिका-१ सडकमा एक गर्भवती महिलालाई व्यथाले छटपटाइरहेको अवस्थामा भेटिएको थियो। घटनास्थलमा प्रहरी जवान चन्द्रिका देउवाले छिटो निर्णय गर्दै महिलालाई सुरक्षित प्रसूति गराउन महत्वपूर्ण भूमिका निर्वाह गर्नुभएको थियो।

कैलाली जिल्ला प्रहरी कार्यालयले बुधबार चन्द्रिका देउवालाई प्रशंसा पत्र र रेकर्डमा नाम समावेश गर्दै पुरस्कृत गरिएको छ। कैलालीका प्रहरी प्रमुख, एसपी बाल नरसिंह राणाले देउवालाई उत्कृष्ट कार्यको लागि सम्मान गर्दै उक्त पुरस्कार प्रदान गर्नुुभएको थियो।

यो घटनामा, देउवाले मंगलबार गोदावरी नगरपालिका-१ स्थित वसन्तपुरमा सडकमा गर्भवती महिलालाई भेट्नुभएको थियो। महिला बझाङको थलारा गाउँपालिकाकी चन्द्रा आचार्य थिइन्। देउवाले उनलाई समयमै आवश्यक सहयोग पुर्याएर पद्मा अस्पतालसम्म पुर्‍याउँनुभएको थियो।