त्रिभुवन विश्वविद्यालयद्वारा ५०० भन्दा बढी प्राध्यापक र सहप्राध्यापक पदका लागि दरखास्त खुला

नेपाल हेल्थ न्युज, काठमाडौं । त्रिभुवन विश्वविद्यालय (त्रिवि) ले देशभरका क्याम्पसहरूमा प्राध्यापक तथा सहप्राध्यापक पदहरूमा दरखास्त खुला गरेको छ।

त्रिविले आन्तरिक प्रतिस्पर्धा तथा खुला प्रतियोगितात्मक प्रक्रियाबाट विभिन्न विषयमा रिक्त पदहरू भर्नाका लागि आवेदन आह्वान गरेको हो। कुल संख्यामा ५०० भन्दा बढी जनशक्ति आवश्यक रहेको जनाइएको छ।

दरखास्त शुल्कको रूपमा प्राध्यापक पदका लागि ३,५०० रुपैयाँ र सहप्राध्यापकका लागि ३,२०० रुपैयाँ निर्धारण गरिएको छ। इच्छुक उम्मेदवारहरूले साउनको पहिलो सातासम्म आवेदन दिन सक्ने छन्।

अधिक जानकारीका लागि त्रिविको औपचारिक विज्ञापन हेर्न सकिन्छ।