खेलकुदले स्वस्थ जीवन र खुसी समाज बनाउने विश्वास: स्वास्थ्य मन्त्री पौडेल

नेपाल हेल्थ न्युज, काठमाडौं । काठमाडौँ महानगरपालिका–२६ द्वारा आयोजित जिल्ला स्तरीय खेलकुद कार्यक्रम उद्घाटन गर्दै स्वास्थ्य मन्त्री प्रदीप पौडेलले स्वस्थ जीवन र खुसी समाज निर्माणमा खेलको भूमिका महत्वपूर्ण रहेको बताउनुभयो।

उपप्रमुख सुनिता डङ्गोलले वडा स्तरबाटै जिल्लाव्यापी प्रतियोगिता आयोजना गरिएको जानकारी दिँदै समावेशी खेलकुदलाई प्राथमिकतामा राखिएको बताउनुभयो। दृष्टिविहीन, ह्विलचेयर प्रयोगकर्ता र अशक्त व्यक्तिहरूका लागि विशेष खेलहरू सञ्चालन गरिएको छ।

कार्यक्रम वडाध्यक्ष ख्यामराज तिवारीका अनुसार फुटसल, टेबुलटेनिस, तेक्वान्दो, कराते लगायत पाँच विधामा एक हजारजति खेलाडी सहभागी छन्। प्रतियोगिता असार ८ गतेसम्म सञ्चालन हुनेछ।