६ करोडमा अस्पताल भवन निर्माण

नेपाल हेल्थ युज, म्याग्दी । अन्नपूर्ण गाउँपालिका–७, हिस्तानको औलामा रु छ करोडमा आधुनिक अस्पताल भवन निर्माण  भएको छ। सघन सहरी विकास तथा भवन आयोजनाको सहयोगमा निर्माण गरिएको उक्त संरचना पाँच श्ययाको अस्पतालका लागि तयार पारिएको हो।

वडाध्यक्ष मइलन पुनका अनुसार, पुरानो स्वास्थ्यचौकी पहिरोको उच्च जोखिममा परेपछि नयाँ स्थानमा सुरक्षित रूपमा भवन निर्माण गरिएको हो। नवनिर्मित अस्पताल भवनबाट चाँडै नै स्वास्थ्य सेवा सुरु गरिने तयारी भइरहेको छ।

साथै, अस्पतालमा कार्यरत स्वास्थ्यकर्मी र कर्मचारीहरूका लागि आवासको समेत व्यवस्था गरिएको छ। अस्पतालका लागि आवश्यक जग्गा स्थानीयवासी हर्कबहादुर गरबुजाल लगायत पाँच जनाले  निशुल्क उपलब्ध गराएका हुन्।