निजामती अस्पतालबाट एसीको पार्टपुर्जा चोरी

नेपाल हेल्थ न्युज, काठमाडौं । मीनभवनमा रहेको निजामती कर्मचारी अस्पतालबाट एयर कन्डिसन (एसी) का पार्टपुर्जा चोरी भएको घटना सार्वजनिक भएको छ।

चोरीको प्रयासकै क्रममा दुई जनालाई समातिएको र उनीहरूविरुद्ध चोरीसम्बन्धी मुद्दा दायर गरिएको प्रहरीले जनाएको छ।

पक्राउ पर्नेमा पर्साका २८ वर्षीय मोहमद फरमान अन्सारी (जसलाई फरमान अन्सारी पनि भनिन्छ) र एक नाबालक रहेका छन्।

प्रहरीका अनुसार अन्सारी विगत एक दशकदेखि एसी जडान र मर्मतको काममा संलग्न थिए।

२३ साउनमा अस्पतालको रेडियोलोजी विभागको भित्तामा जडान गरिएको एसीबाट पार्टपुर्जा निकालिएको थियो। पक्राउ परेकाहरूको साथबाट ती पार्टपुर्जा फेला परेको प्रहरीले जनाएको छ।

बरामद सामग्रीको मूल्य करिब ६ हजार ५ सय रुपैयाँ बराबरको रहेको र त्यसअनुसार बिगो कायम गर्दै मुद्दा अघि बढाइएको छ।