तराई–मधेसमा सर्पदंशको जोखिम बढ्दो

नेपाल हेल्थ न्युज, जनकपुर । जनकपुरधामस्थित प्रादेशिक अस्पतालका अनुसार पछिल्लो समय तराई–मधेसका जिल्लाहरूमा सर्पदंशका घटनाहरू तीव्र रूपमा बढेका छन्। अस्पतालमा दैनिक पाँचदेखि छ जना सर्पदंशका बिरामी उपचारका लागि आउने गरेका छन्। 

२०८० चैतदेखि हालसम्म १ सय १५ जना सर्पदंशका बिरामी अस्पताल पुगेका छन् । तीमध्ये ६० जनामा विषालु सर्पको टोकाइ पुष्टि भएको छ । अस्पतालका आपतकालीन सेवा प्रमुख उज्ज्वल झाका अनुसार, समयमै उपचार पाउने भएकाले मृत्युदरमा केही कमी आएको छ।
 
यद्यपि हालसम्म सात जनाको मृत्यु भइसकेको छ। स्वास्थ्यकर्मीहरूले वर्षा र गर्मीको मौसममा विशेष सतर्कता अपनाउन र सर्पले टोकेमा तुरुन्तै नजिकको स्वास्थ्य संस्थामा जान सुझाव दिएका छन्।