आज विश्व बिरामी सुरक्षा दिवस, नेपालमा पनि विविध कार्यक्रममार्फत मनाइँदै

नेपाल हेल्थ न्युज, काठमाडौं । प्रत्येक वर्ष सेप्टेम्बर १७ तारिखमा मनाइने यो दिवसको मुख्य उद्देश्य बिरामीको सुरक्षालाई प्राथमिकतामा राख्दै स्वास्थ्य सेवा प्रणालीमा सरोकारवालाबीच सहकार्य र प्रतिबद्धता बढाउनु हो।

नेपालमा पनि स्वास्थ्य मन्त्रालय तथा सरोकारवाला निकायहरूले जनचेतनामूलक कार्यक्रमहरू आयोजना गरी दिवस मनाउने तयारी गरेका छन्।

यस अवसरमा बिरामी, उनीहरूका आफन्त, स्वास्थ्यकर्मी, सेवा प्रदायक संस्था, नीति निर्माता र समुदायलाई एकै थलोमा ल्याई सुरक्षित स्वास्थ्य सेवा प्रदान गर्ने दिशामा संयुक्त पहल आवश्यक रहेको सन्देश दिइँदैछ।

विश्व स्वास्थ्य संगठन को अगुवाइमा मनाइने यस दिवसले स्वास्थ्य सेवा लिने हरेक व्यक्तिको सुरक्षालाई प्राथमिक विषयका रूपमा स्थापित गर्न सबै मुलुकहरूलाई आव्हान गर्छ।