राष्ट्रपति पौडेल अस्वस्थ, मनमोहन सेन्टरमा भर्ना

नेपाल हेल्थ न्युज, काठमाडौँ । राष्ट्रपति रामचन्द्र पौडेल शनिबार अस्वस्थ भएपछि महाराजगञ्जस्थित मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरमा भर्ना हुनुभएको छ ।

राष्ट्रपति कार्यालयका अनुसार उहाँलाई स्वास्थ्य समस्या देखिएपछि चिकित्सकको सल्लाहअनुसार अस्पताल लगिएको हो। चिकित्सकहरूले आवश्यक स्वास्थ्य परीक्षण गरेका छन् ।

यसअघि राष्ट्रपति पौडेलले शनिबारै जेनजी आन्दोलनका प्रतिनिधिहरूसँग भेटवार्ता गर्ने भनिएको थियो । निर्धारित कार्यक्रम दुई दिन सारेर उहाँ अस्पताल पुग्नुभएको हो ।