देउवा थप उपचारका लागि सिंगापुर जाने तयारीमा

नेपाल हेल्थ न्युज, काठमाडौं । नेपाली कांग्रेसका सभापति शेरबहादुर देउवा थप स्वास्थ्य उपचारका लागि सिंगापुर जाने भएका छन्।

भदौ २४ गते जन–जी आन्दोलनका क्रममा प्रदर्शनकारीसँगको झडपमा घाइते भएका देउवाले अहिले थप चिकित्सा सेवाको आवश्यकता भएको कांग्रेस प्रवक्ता डा. प्रकाशशरण महतले जानकारी दिएका छन्।

डा. महतका अनुसार, “उपचारका लागि उहाँ सिंगापुर जाने तयारीमा हुनुहुन्छ र केही दिनमै जानुहुनेछ।” झडपका क्रममा देउवाको घाँटीमा १२ टाँका परेको थियो। घाइते भएयता करिब एक महिना पछि उहाँले पार्टीको बैठकमा उपस्थित भई पूर्णबहादुर खड्कालाई कार्यवाहक सभापतिको जिम्मेवारी दिएका थिए।