युवा क्रिकेटर मिनष थापाको निधन

नेपाल हेल्थ न्युज, विराटनगर । विराटनगरमा भएको मोटरसाइकल दुर्घटनामा परेर क्रिकेट खेलाडी मिनष थापाको ज्यान गएको छ। बिहीबार बिहान विराटनगर महानगरपालिका–४ भित्र पर्ने सडक खण्डमा भएको दुर्घटनामा २७ वर्षीय थापाको मृत्यु भएको हो।

प्रहरीका अनुसार विराटनगर एयरपोर्ट लाइनबाट गणेश चोकतर्फ जाँदै गर्दा थापाले चलाएको प्रदेश १–०२–०४२ प ८००२ नम्बरको मोटरसाइकल राति करिब १२स्४५ बजेतिर नियन्त्रण बाहिर गई दुर्घटनामा परेको थियो।

दुर्घटनापछि गम्भीर घाइते भएका थापालाई तत्काल उपचारका लागि कोशी अस्पताल लगिएको थियो। तर अस्पताल पुर्‍याएलगत्तै चिकित्सकले उनलाई मृत घोषणा गरेका थिए।

मिनष थापा कोशी प्रदेशका प्रतिभाशाली क्रिकेटरका रूपमा चिनिन्थे। उनले विराटनगर किङ्सको तर्फबाट पोखरा प्रिमियर लिग खेलिसकेका थिए भने विभिन्न फ्रेन्चाइज लिगहरूमा पनि सहभागिता जनाएका थिए।