स्वदेशी स्वास्थ्य उपकरण उत्पादक र बिक्रेतालाई सात दिनभित्र विवरण बुझाउन औषधि विभागको निर्देशन

नेपाल हेल्थ न्युज, काठमाडौं । औषधि व्यवस्था विभागले प्रविधिजन्य स्वास्थ्य सामग्री र उपकरणको विवरण सात दिनभित्र उपलब्ध गराउन स्वदेशी उत्पादक र बिक्रेताहरूलाई निर्देशन दिएको छ।

विभागका अनुसार, यस सूचनामा अर्थोपेडिक इम्प्लान्ट, इन भिट्रो डायग्नोस्टिक उपकरण, अपरेशन थिएटरमा प्रयोग हुने सामाग्री तथा कार्डियोभास्कुलर र सर्जिकल सामग्री उत्पादन गर्ने कम्पनीहरू समावेश छन्।

प्रविधिजन्य स्वास्थ्य सामग्री तथा उपकरणको गुणस्तर सुनिश्चित गर्न र प्रभावकारी अनुगमन तथा निरीक्षण गर्न २०७४ सालमा सम्बन्धित निर्देशिका जारी गरिएको थियो। विभागले सो निर्देशिकाअनुसार, सात दिनभित्र सबै विवरण पेश गर्न कम्पनीहरूलाई आग्रह गरेको छ।