स्वास्थ्य बीमा बोर्डले माग्यो विभिन्न पदमा कर्मचारी

नेपाल हेल्थ न्युज, काठमाडौं । स्वास्थ्य बीमा बोर्डले आफ्नो केन्द्रीय कार्यालय, प्रदेश शाखा कार्यालय र जिल्ला सम्पर्क शाखा कार्यालयका लागि करार सेवामा विभिन्न पदहरूमा कर्मचारी भर्ना गर्ने भएको छ। 

बोर्डले मेडिकल अधिकृत, चार्टर्ड एकाउन्टेण्ड, हेल्थ इकोनोमिष्ट, जनस्वास्थ्य अधिकृत, एक्च्यूरियन अधिकृत, सूचना प्रविधि सहायक र दर्ता अधिकारी पदहरूमा जनशक्ति आवश्यकता रहेको जानकारी दिएको छ। 

भर्ना गरिने पद र संख्या अनुसार मेडिकल अधिकृत ६ जना, चार्टर्ड एकाउन्टेण्ड १ जना, हेल्थ इकोनोमिष्ट १ जना, जनस्वास्थ्य अधिकृत १ जना, एक्च्यूरियन अधिकृत १ जना, सूचना प्रविधि सहायक ३ जना र दर्ता अधिकारी ६० जना। आवेदन गर्ने इच्छुक उम्मेदवारहरूले सूचना प्रकाशित भएको मितिले १५ दिन भित्र (२०८२/१०/१२ सम्म) दरखास्त पेश गर्न सक्नेछन्।