सानोठिमी बाल सुधार गृहमा झडप, १३ घाइते

नेपाल हेल्थ न्युज, काठमाडौं । भक्तपुरको बाल सुधार गृहमा बिहीबार राति झडप हुँदा १३ जना घाइते भएका छन्। घाइतेमध्ये दुई जनाको अस्पतालमा उपचार भइरहेको छ। आपसी दुर्व्यवहारपछि झडप चर्किएको र त्यस क्रममा आगजनीसमेत भएको प्रहरीले जनाएको छ।

घटनापछि सुधार गृहमा रहेका १६२ जनालाई अन्यत्र सारेर भवन खाली गरिएको छ।

स्थिति नियन्त्रणमा लिन पुगेको प्रहरीमाथि ढुंगामुढा भएपछि अवस्था थप तनावग्रस्त बनेको थियो। आगलागीले भवन क्षति पुगेपछि सबैलाई काठमाडौं र भक्तपुरका बाल सुधार निगरानी कक्षमा राखिएको छ।