सर्लाहीमा दादुरा संक्रमण: आजदेखि खोप अभियान सुरु

नेपाल हेल्थ न्युज, काठमाडौं । सर्लाहीको मलङ्गवा नगरपालिका वडा नं ३ मा देखिएको दादुरा संक्रमणको रोकथामका लागि सरकारले आजबाट खोप अभियान सुरु गरेको छ।

स्वास्थ्य तथा जनसंख्या मन्त्रालय अन्तर्गतको राष्ट्रिय खोप कार्यक्रमले स्थानीय तह र साझेदारसँग मिलेर घरघरमा खोजपडताल, निगरानी, जनचेतना कार्यक्रम र आपतकालीन खोप अभियान सञ्चालन गर्दैछ।

बाल तथा खोप शाखाका अनुसार, मलङ्गवा नगरपालिका वडा नं ३ सँगै वडा नं २, ४, ८, ९, र १० का ६ महिना देखि १४ वर्षसम्मका बालबालिकालाई खोप दिइनेछ।

अहिलेसम्म उक्त क्षेत्रमा ७ जनामा दादुरा संक्रमण पुष्टि भएको छ भने २३ जना शंकास्पद केसको निगरानी भइरहेको छ। हालसम्म कुनै पनि बिरामी अस्पताल भर्ना तथा मृत्यु नभएको परिवार कल्याण महाशाखाले जनाएको छ।