माधव नेपाल अस्पताल भर्ना

नेपाल हेल्थ न्युज, काठमाडौं । पूर्वप्रधानमन्त्री तथा नेकपा (एकीकृत समाजवादी) का सहसंयोजक माधवकुमार नेपाल स्वास्थ्य जाँचका लागि अस्पताल भर्ना भएका छन्। चिसो मौसमका कारण उनीलाई रुघा, खोकी र हल्का ज्वरो देखिएकाले बुधबार त्रिवि शिक्षण अस्पतालमा भर्ना गरिएको हो।

उनका सहयोगी लक्ष्मण रेग्मीका अनुसार, हाल कुनै गम्भीर समस्या छैन। चिकित्सकको सल्लाह अनुसार एकदिन अस्पतालमा राखेर उपचार गरिने भएको र बिहीबार डिस्चार्ज गर्ने तयारी भइरहेको छ। रेग्मीले बताए अनुसार, सास फेर्न केही कठिनाई देखिएपछि सुरक्षा दृष्टिले अस्पतालमा जाँच गराइएको हो।