स्वास्थ्यमन्त्री मेहताको भूमिकामाथि रास्वपाको प्रश्नचिन्ह ? साह १४ दिनमै पदमुक्त

नेपाल हेल्थ न्युज, काठमाडौं । राष्ट्रिय स्वतन्त्र पार्टी (रास्वपा) ले स्वास्थ्य तथा जनसंख्यामन्त्री निशा मेहताको भूमिकाप्रति असन्तुष्टि जनाउँदै उनलाई सचेत गराउन आग्रह गरेको छ।

श्रममन्त्री दीपककुमार साहले आफ्नी श्रीमतीलाई स्वास्थ्य बीमा बोर्डको सदस्यमा नियुक्त गरेको विषयमा आवश्यक निगरानी र संवेदनशीलता नदेखाएको आरोप लगाउँदै रास्वपाका सभापति रवि लामिछानेले प्रधानमन्त्रीलाई पत्र लेखेका हुन्।

पत्रमा यस्तो संवेदनशील विषयमा मन्त्रीस्तरबाट अपेक्षित जिम्मेवारी नदेखिएको उल्लेख गर्दै सचेत गराउन सिफारिस गरिएको छ।

यसैबीच, प्रधानमन्त्री बालेन्द्र शाहले बिहीबार श्रममन्त्री साहलाई पदमुक्त गरेका छन्। उनी करिब दुई सातामात्रै उक्त पदमा रहेका थिए।