अस्ट्रेलियामा स्तनधारी जीवमा एच-५ बर्ड फ्लुको पहिलो संक्रमण पुष्टि

नेपाल हेल्थ न्युज, मेलबर्न । अस्ट्रेलियामा पहिलोपटक स्तनधारी जीवमा एच–५ बर्ड फ्लुको संक्रमण पुष्टि भएको छ । दक्षिण अस्ट्रेलिया राज्यमा ‘लङ–नोज्ड फर सिल’ नामक समुद्री स्तनधारी जीवमा भाइरसको संक्रमण देखिएपछि अधिकारीहरूले पुष्टि गरेका हुन् । 

कृषि, मत्स्यपालन तथा वनमन्त्री जुली कोलिन्सले संक्रमित सिल दक्षिण अस्ट्रेलियाको राजधानी एडिलेडबाट करिब ३ सय किलोमिटर दक्षिणमा रहेको बीचपोर्टमा फेला परेको बताइन् । अस्ट्रेलियामा स्तनधारी जीवमा एच–५ बर्ड फ्लुको संक्रमण पुष्टि भएको यो पहिलो घटना हो, उनले भनिन् ।

संक्रमित जंगली चरा वा तिनको सम्पर्कमा आएपछि सिलमा भाइरस सरेको हुन सक्ने उनको भनाइ छ । हालसम्म यो घटना अन्य बिरामी वा मृत समुद्री स्तनधारी जीवसँग सम्बन्धित रहेको कुनै प्रमाण फेला नपरेको पनि उनले बताइन् । रासस/ सिन्ह्वा