नेपाल औषधी लिमिटेडको अध्यक्ष पदमा यज्ञप्रसाद न्यौपाने नियुक्त

नेपाल हेल्थ न्युज, काठमाडौं । सरकारले नेपाल औषधी लिमिटेडको रिक्त अध्यक्ष पदमा यज्ञप्रसाद न्यौपानेलाई नियुक्त गरेको छ।

हिज बसेको मन्त्रिपरिषद्को बैठकले न्यौपानेलाई नेपाल औषधी लिमिटेडको अध्यक्षमा नियुक्त गर्ने निर्णय गरेको हो। योसँगै न्यौपाने दोस्रोपटक संस्थाको अध्यक्ष बन्नुभएको हो।

यसअघि न्यौपानेले २०७९ देखि २०८२ सालसम्म नेपाल औषधी लिमिटेडको पूर्ण कार्यकाल नेतृत्व गर्नुभएको थियो। उहाँको नेतृत्वमा आर्थिक संकटबाट गुज्रिरहेको नेपाल औषधी लिमिटेडलाई पुनः सञ्चालन तथा सुदृढीकरणतर्फ अघि बढाउने प्रयास भएको थियो।

फार्मास्युटिकल क्षेत्रमा परिचित न्यौपाने २०६८ देखि २०७२ सालसम्म नेपाल फार्मेसी काउन्सिलको अध्यक्षसमेत रहनुभएको थियो।यसपटक न्यौपाने खुला प्रतिस्पर्धाबाट सिफारिस भई नेपाल औषधी लिमिटेडको अध्यक्षमा नियुक्त हुनुभएको छ।