भारतका १६ राज्यमा फेरि कोरोना फैलिन थाल्यो, सक्रिय संक्रमित हजार नाघे

नेपाल हेल्थ न्युज, काठमाडौं । भारतका १६ राज्यहरूमा कोभिड-१९ संक्रमण फैलिएको छ। स्वास्थ्य तथा परिवार कल्याण मन्त्रालयले जनाएको छ कि यी राज्यहरूमा हाल एक हजारभन्दा बढी सक्रिय संक्रमितहरू छन्।

मन्त्रालयका अनुसार भारतभर कुल १,०९ सयभन्दा बढी मानिसमा कोरोना संक्रमण पुष्टि भइसकेको छ। सबैभन्दा धेरै सक्रिय संक्रमितहरू केरलमा छन्, जहाँ ४०३ जनामा संक्रमण देखिएको छ। त्यस्तै, महाराष्ट्रमा ४३०, दिल्लीमा १०४, गुजरातमा ८३, तमिलनाडुमा ६९, र कर्नाटकमा ४७ संक्रमित भेटिएका छन्।

अन्य राज्यहरूमा उत्तर प्रदेशमा १५, राजस्थानमा १३, पश्चिम बंगालमा १२, हरियाणा र पुडुचेरीमा ९–९ जना, आंध्र प्रदेशमा ४, मध्य प्रदेशमा २, र तेलंगाना, गोवा र छत्तीसगढ़मा एक–एक संक्रमित फेला परेको छ।

कर्नाटकका स्वास्थ्य मन्त्री दिनेश गुन्डु रावले कोरोना संक्रमणलाई लिएर धेरै डराउनु नपर्ने बताउनुभएको छ। उहाँले भन्नुभयो, “दक्षिणपूर्वी एसियाली क्षेत्रका केही देशमा संक्रमण बढिरहेको खबर सुनेको छु, तर यो संक्रमण निकै गम्भीर छैन। भारतमा देखिएको कोभिड-१९ को अवस्था पनि सामान्य छ।”

महाराष्ट्र लगायतका केही स्थानमा संक्रमितको मृत्यु भएको खबर आए पनि, ती मृत्युहरू कोरोना संक्रमणसँग प्रत्यक्ष सम्बन्धित नभएको मन्त्रीले जानकारी दिनुभएको छ। धेरैजसो ती बिरामीहरूलाई अन्य स्वास्थ्य समस्या पनि थियो।

यद्यपि, संक्रमणको जोखिमलाई मध्यनजर राख्दै सावधानी अपनाउनु आवश्यक रहेको उहाँको भनाइ छ। निगरानी र सुरक्षा उपायहरूलाई अझ कडा बनाइएको छ।