डा. यामबहादुर रोकाको पोखरामा सेवाः न्यूरोसर्जरी अब जीएमसीमै

नेपाल हेल्थ न्यूज,पोखरा । वरिष्ठ न्यूरो सर्जन प्रा.डा. यामबहादुर रोकाले गण्डकी मेडिकल कलेज (जीएमसी), पोखरामा सेवा दिन थाल्नुभएको  छ।

२१ वर्षको अनुभवसहित आउनुभएका डा. रोकाको नेतृत्वमा अस्पतालले पछिल्लो दुई महिनामा करिब २० वटा सफल न्यूरो अपरेशन गरेको छ।

अस्पतालले १५ शैय्याको नयाँ आइसीयू स्थापना गर्नुका साथै चौबिसै घण्टा न्यूरोसर्जरी सेवा उपलब्ध गराएको छ। मस्तिष्क, नशा, ट्युमर र ट्रमा सम्बन्धी जटिल अपरेशन सफल हुँदै आएका छन्।

पूर्वी नेपालका बिरामी पनि डा.रोकाको खोजीमा पोखरा आउन थालेका छन्। सप्तरीकी विनिता मण्डल र स्याङजाका रेशमलाल पौडेलजस्ता बिरामीले जीएमसीमा गुणस्तरीय सेवा पाएको बताएका छन्।

डा. रोकाले पोखरा र आसपासका क्षेत्रका बिरामीलाई काठमाण्डौ जानुनपर्ने गरी सेवा विस्तार गर्ने लक्ष्य लिनुभएको छ ।