चितवनको क्यान्सर अस्पतालमा ‘फ्लोसाइटोमेट्री’ परीक्षण सुरुः अब भारत पठाउन नपर्ने

नेपाल हेल्थ न्यूज, चितवन। बिपी कोइराला मेमोरियल क्यान्सर अस्पताल, चितवनमा रक्त क्यान्सरको ‘भेरियन्ट’ पत्ता लगाउने अत्याधुनिक ‘फ्लोसाइटोमेट्री’ परीक्षण सेवा सुरु गरिएको छ। अस्पतालले उपकरण जडान गरी चिकित्सक तथा प्राविधिकलाई तालिम दिएपछि सेवा सञ्चालनमा आएको हो।

अस्पतालको प्रयोगशाला विभाग प्रमुख डा. ग्रेता पाण्डेका अनुसार ९० जनाभन्दा बढीको परीक्षण भइसकेको छ। यस अघिसम्म भारत पठाउनुपर्ने यो परीक्षण अब चितवनमै रु १२ हजारमा उपलब्ध छ।

फ्लोसाइटोमेट्री परीक्षण अन्तर्गत ढाडको हड्डीबाट मासी निकालेर रक्त क्यान्सरको प्रकार पहिचान गरिन्छ। एक डाक्टर र एक प्राविधिकलाई भारतको टाटा मेमोरियल अस्पतालमा तालिम दिइएपछि सेवा सुरु गरिएको हो।

कार्यकारी निर्देशक डा। शिवजी पौडेलका अनुसार क्यान्सर उपचारलाई प्रभावकारी बनाउन उपकरण विस्तार र जनशक्ति तालिम कार्यक्रम तीव्र गतिमा अघि बढाइएको छ।