तौल घटाउन गाह्रो भइरहेको छ ? अपनाउनुहोस् यी ५ सजिला बानी

नेपाल हेल्थ न्युज, काठमाडौं । पछिल्लो समय बढ्दो तौल धेरै मानिसका लागि चिन्ताको विषय बनेको छ। विशेषगरी तौल बढ्दा यसको असर सबैभन्दा पहिले पेट र कम्मरमा देखिने गर्छ। मोटोपना बढ्दै जाँदा यसले शरीरमा विभिन्न रोगहरूको जोखिम पनि बढाउँछ।

अत्यधिक तौलका कारण मुटुसम्बन्धी समस्या, मधुमेह, थाइराइड र उच्च रक्तचापजस्ता रोगहरू देखिन सक्ने सम्भावना रहन्छ। धेरै मानिसहरूले लामो समयसम्म व्यायाम गर्दा पनि अपेक्षित रूपमा तौल घटाउन सकिरहेका हुँदैनन्। त्यसैले तौल नियन्त्रणका लागि सही खानपान र जीवनशैली अत्यन्त आवश्यक हुन्छ।

सानो–सानो अन्तरालमा खाने बानी

दिनभरि भोक नियन्त्रणमा राख्नका लागि एकैपटक धेरै खानेभन्दा सानो–सानो अन्तरालमा हल्का तथा स्वस्थकर खानेकुरा खानु राम्रो मानिन्छ। बिहानको खाजामा प्रोटिन, फाइबर र स्वस्थ बोसोयुक्त परिकार समावेश गर्दा दिनभर पेट भरिएको महसुस हुन्छ। फलफूल र ड्राइफ्रुट्स राम्रो विकल्प हुन सक्छन्। साँझतिर सखरखण्डा, मखना वा हर्बल चिया लिन सकिन्छ।

मौसमी तरकारीको महत्त्व

मौसमी तरकारीहरू तौल घटाउन निकै उपयोगी मानिन्छन्। यिनमा प्रशस्त फाइबर, भिटामिन, आइरन र क्याल्सियम पाइन्छ। गाजर, पालुङ्गो, बन्दागोभी, मूला लगायतका हरियो तरकारीले पाचन सुधार्नुका साथै पेटको बोसो घटाउन मद्दत गर्छन्। दैनिक खानामा यस्ता तरकारीहरू समावेश गर्नु लाभदायक हुन्छ।

नियमित व्यायाम आवश्यक

तौल घटाउन नियमित शारीरिक गतिविधि अनिवार्य छ। हिँडडुल, दौड, उफ्रिने, पौडी खेल्ने जस्ता अभ्यासहरूले शरीरको अतिरिक्त बोसो घटाउन सहयोग गर्छन्। दैनिक कम्तीमा २०–२५ मिनेट व्यायाम गर्ने बानीले दीर्घकालीन फाइदा दिन्छ।

घरमै बनाएको प्रोबायोटिक खाना

स्वस्थ रहन सकेसम्म घरमै पकाएको खाना खानु राम्रो हुन्छ। दही, अचार, चटनीजस्ता परिकारमा पाइने राम्रो ब्याक्टेरियाले पाचन प्रणालीलाई सन्तुलित राख्छ। साथै, शरीरका लागि आवश्यक भिटामिन डी पनि आहारमा समावेश गर्नु जरुरी हुन्छ।