आज विश्व कलेजो दिवस मनाइँदै

नेपाल हेल्थ न्युज, काठमाडौं । विश्वभर आज विश्व कलेजो दिवस मनाइँदैछ। प्रत्येक वर्ष अप्रिल १९ मा मनाइने यस दिवसको उद्देश्य कलेजोसम्बन्धी रोगहरूबारे जनचेतना फैलाउनु, रोकथामका उपायहरूबारे जानकारी दिनु र कलेजो स्वास्थ्यको महत्व उजागर गर्नु हो।

यस वर्षको विश्व कलेजो दिवस २०२६ को नारा ‘ठोस बानी, बलियो कलेजो’ रहेको छ। यस अभियानले दीगो र स्वस्थ जीवनशैली अपनाउन जोड दिएको छ।

विशेषगरी सन्तुलित आहार, मदिरा सेवनमा नियन्त्रण, नियमित व्यायाम र स्वस्थ बानीहरूलाई कलेजोको स्वास्थ्य जोगाउन अत्यावश्यक मानिएको छ।

स्वास्थ्य विशेषज्ञहरूले अस्वस्थ जीवनशैली, अत्यधिक मदिरा सेवन र असन्तुलित खानपानले कलेजोमा गम्भीर समस्या निम्त्याउन सक्ने चेतावनी दिएका छन्। उनीहरूले समयमै सचेत भई जीवनशैलीमा सुधार गर्न सुझाव दिएका छन्।