सर्वोच्च अदालतमा स्वास्थ्य सचिव नियुक्ति विरोधमा डा. संगीता मिश्रको सोमबारको रिटको सुनुवाई स्थगित

नेपाल हेल्थ न्यूज, काठमाडौं – स्वास्थ्य सचिव नियुक्तिको विरोधमा सर्वोच्च अदालतमा डा.संगीता मिश्रले हालेको रिटको सुनुवाई सोमबार हुन सकेन ।

सर्वोच्च अदालतको न्यायाधीशद्वय तिल प्रसाद श्रेष्ठ र महेश शर्मा पौडेलको इजलासमा रहेको सुनुवाई सोमबारका लागि तोकिएको थियो, तर अब उक्त सुनुवाईको मिति फेरि तोकिनेछ।

यसअघि, शुक्रबारको सुनुवाईपछि न्यायाधीशद्वयले स्वास्थ्य सचिव नियुक्तिको निर्णय फाइल झिकाउने आदेश दिएका थिए।

गत फागुन २१ गतेको मन्त्रिपरिषद् बैठकले स्वास्थ्य सचिवमा डा. विकास देवकोटालाई नियुक्त गर्ने निर्णय गरेको थियो। यस निर्णयपछि, स्वास्थ्य सचिवमा आफूलाई नियुक्त नगरेको भन्दै डा. संगीता कौशल मिश्राले चैत १ गते सर्वोच्च अदालतमा रिट दायर गर्नुभएको थियो ।

उहाँको रिटको प्रारम्भिक सुनुवाई ३ गते हुँदै, न्यायाधीश बालकृष्ण ढकालले सरकारलाई कारण देखाउने आदेश दिएका थिए र अन्तरिम आदेशको विषयमा छलफल गर्न शुक्रबारको लागि पेशी तोकिएको थियो।

शुक्रबारको सुनुवाईपछि, फाइल झिकाउने आदेश जारी भएको थियो र सोमबारका लागि नयाँ पेशी तोकिएको थियो।