बाँकेमा पहिलोपटक मृत शरीर दान: सावित्री सापकोटाको पार्थिव शरीर मेडिकल कलेजलाई हस्तान्तरण

नेपाल हेल्थ न्युज, बाँके ।सहिद स्मृति केन्द्रका आजीवन सदस्य तथा माओवादी केन्द्रका केन्द्रीय सल्लाहकार ओमप्रकाश सापकोटाकी जीवन सङ्गिनी सावित्री सापकोटाको मृत्युपछि पार्थिव शरीर अध्ययनका लागि दान गरिएको छ।

उहाँले मृत्यु अघि नै शरीर नजलाउने निर्णय गर्दै नेपालगन्ज मेडिकल कलेज शिक्षण अस्पताल, चिसापानीलाई दान गर्ने घोषणा गर्नुभएको थियो। सोमबार सिभिल अस्पताल, काठमाडौंमा उहाँको निधन भएको थियो।

स्व. सापकोटाका श्रीमान् ओमप्रकाश केसी (प्रयत्न) ले पनि मरणोपरान्त शरीर दान गर्ने प्रतिबद्धता जनाइसक्नुभएको छ। आज लर्डबुद्ध एजुकेशनल एकेडेमी लि. द्वारा सञ्चालित मेडिकल कलेजलाई शव हस्तान्तरण गरिएको छ।

बाँकेमा मृत शरीर दान गरिएको यो पहिलो घटना भएको मृतकका छोरा दीपक सापकोटाले जानकारी दिनुभयो।