स्वास्थ्य सेवा विभागका महानिर्देशक ढकाल अस्वस्थ, डा. भट्टचनलाई जिम्मेवारी दिने तयारी

नेपाल हेल्थ न्युज, काठमाडौं । स्वास्थ्य सेवा विभागका महानिर्देशक डा. केशर ढकाल अस्वस्थ भएपछि उनका जिम्मेवारी निमित्त महानिर्देशकको जिम्मेवारी डा. अनुज भट्टचनलाई दिने तयारी गरेको छ।

डा. ढकालले असार ४ गतेसम्म बिदा लिने निर्णय गरेका छन्। यसपछि स्वास्थ्य तथा जनसंख्या मन्त्रालयले डा. भट्टचनलाई आर्थिक तथा प्रशासनिक अधिकारसमेत दिने तयारी अघि बढाएको हो।

वीर अस्पतालमा भर्ना भएका डा. ढकालले छातिमा दुखाइ महसुस भएपछि स्वास्थ्य कारणले केही समय जिम्मेवारीबाट अलग रहनुपर्ने बताएका छन्। उनले  स्वास्थ्य समस्या आएपछि महानिर्देशकको जिम्मेवारीबाट अलग रहने विषयमा मन्त्री र सचिवलाई जानकारी गराएको छु” भनेका छन्।