पोखरा स्वास्थ्य विज्ञान प्रतिष्ठानमा डिनमा डा. श्रेष्ठ र निर्देशकमा डा. पोखरेल नियुक्त

नेपाल हेल्थ न्युज, पोखरा । पोखरा स्वास्थ्य विज्ञान प्रतिष्ठानमा नयाँ डिन र निर्देशक नियुक्त भएका छन्। प्रतिष्ठानका उपकुलपति प्रा.डा. नारायण सिंह गुरुङले डिनमा डा. डेविड श्रेष्ठ र निर्देशकमा डा. झपिन्द्र पोखरेललाई नियुक्त गर्नुभएको हो।

उपकुलपति प्रा.डा. गुरुङले नवनियुक्त डिन डा. श्रेष्ठ र निर्देशक डा. पोखरेललाई नियुक्तिपत्र प्रदान गर्नुभएको हो। नवनियुक्त पदाधिकारीहरूले प्रतिष्ठानको शैक्षिक तथा प्रशासनिक गतिविधिलाई थप प्रभावकारी बनाउँदै स्वास्थ्य सेवा र शिक्षाको गुणस्तर अभिवृद्धिमा योगदान गर्ने अपेक्षा गरिएको छ।

प्रतिष्ठानमा नेतृत्व तहमा भएको नियुक्तिले शैक्षिक, प्रशासनिक तथा स्वास्थ्य सेवा प्रवाहलाई थप व्यवस्थित र प्रभावकारी बनाउन सहयोग पुग्ने विश्वास गरिएको छ।