विश्व मधुमेह दिवस २०१९ः काठमाडौं र बुटवलमा केन सेन्टरको मधुमेह र मिर्गौलासम्बन्धि निशुल्क शिविर र जनचेतना कार्यक्रम

जनस्वास्थ्य सरोकार । विश्व मधुमेह दिवस २०१९ को अवसरमा केन सेन्टरले मधुमेह र मिर्गौलासम्बन्धित निःशुल्क स्वास्थ्य परीक्षण र जनचेतना कार्यक्रमको आयोजना गरेको छ । केन सेन्टरको केन्द्रिय कार्यालय काठमाडौं र केन हेल्थ केयर सेन्टर बुटवलमा गरी ४ सय १८ जनाको मधुमेह र मिर्गौला परीक्षण गरिएको थियो । काठमाडौं र बुटवलमा मधुमेह र मिर्गौला परीक्षण गर्दा बुटवलमा २६३ जनामध्ये ६० जनामा मधुमेहको समस्या भेटियो । सेन्टरका अध्यक्ष दिनेश कक्षपतिले मधुमेहप्रति बेलैमा सचेत हुन सकेमा सम्भावित खतराबाट बच्न सकिने बताउनुभयो । सेन्टरका डाक्टरहरु बजरंग रौनियार र डा. नरेश पराजुलीले मधुमेहले मिर्गौला, मुटु, आँखा, मस्तिष्कजस्ता महत्वपूर्ण अंगलाई असर गर्ने भएकाले स्वस्थ्यकर जीवनशैलीमा ध्यान दिनुपर्ने आवश्यकता औंल्याउनुभयो । केन सेन्टर बानेश्वरले खानाको प्रदर्शनी गरी खानासम्बन्धि जानकारीसमेत दिएको थियो ।