नेपालमा पहिलोपटक कोरोनाभाइरस परीक्षण सुरु

जनस्वास्थ्य सरोकार, काठमाडौँ । नेपालमा पहिलोपटक कोरोनाभाइरस परीक्षण सुरु भएको छ । राष्ट्रिय जनस्वास्थ्य प्रयोगशालाकी निर्देशक डा. रुना झाले सोमबारदेखि कोरोना भाइरस परीक्षण सुरु गरिएको बताउनुभयो । संक्रामक रोगको परीक्षण गर्न सन् २०१४ मा वीएसएल थ्री ल्याब स्थापना गरेको थियो । कोरोना भाइरस आशंका गरी टेकु अस्पतालले तीनजनाको नमुना सो प्रयोगशालामा आइतबार पठाइसकेकोे छ । कोरोनाभाइरस परीक्षण शुल्क अहिलेसम्म तोकिएको छैन । तर आपतकालिन अवस्था भनेर नेपाल सरकारले परिक्षण शुल्क नलिने भएको छ । यसअघि शंकास्पद एक जना बिरामीको नमुना परीक्षण गर्न हङकङ पठाइएको थियो । उक्त परीक्षणबाट कोरोना पोजेटिभ देखिएपछि सरकारले उच्च सर्तकता अपनाइरहेको छ ।