कलङ्कीमा बाथरोग सेन्टर

कलङ्कीस्थित नेपाल नेशनल अस्पतालमा 'बाथरोग सेन्टर' सञ्चालनमा ल्याइएको छ । नेशनल बाथ रोग सेन्टर रातोपुलको सहकार्यमा बाथरोग सेन्टर शुभारम्भ गरिएको हो । प्रदेशसभा सदस्य केशव पोखरेलले नवनिर्मित सेन्टरको उत्घाटन गर्नुभएको थियो । उहाँले निजी क्षेत्रले नेपालको स्वास्थ्य क्षेत्रमा पु¥याएको योगदानको उच्च प्रशंसा समेत गर्नुभयो ।अस्पतालका अध्यक्ष रामचन्द्र शर्माले गुणस्तरीय सेवा दिन अस्पताल प्रतिबद्ध रहेको बताउनुभयो । अस्पतालका मेडिकल डाइरेक्टर डा. प्रकाश पौडेलले देशभर ३० लाखभन्दा बढी व्यक्ति बाथरोगबाट पीडित भएको बताउँदै बाथका रोगीलाई सहज उपचार गराउन अस्पतालले बाथरोग सेन्टरको स्थापना गरिएको जानकारी दिनुभयो ।  वरिष्ठ बाथरोग विशेषज्ञ डा. विनित वैद्यले नेपालमा बर्सेनि बाथरोगका बिरामी बढ्दै गएकाले यसको उपचारका लागि उक्त सेन्टर स्थापना गर्नुपरेको उल्लेख गर्नुभयो ।