बुटबलमा प्रदेश जनस्वास्थ्य प्रयोगशाला स्थापना

जनस्वास्थ्य सरोकार, बुटवल । बुटवलमा प्रदेश जनस्वास्थ्य प्रयोगशाला स्थापना गरिएको छ । प्रदेश नं ५ को सामाजिक विकास मन्त्रालयले रामनगरमा प्रयोगशाला स्थापना गरेको हो । बिहीबार सामाजिक विकासमन्त्री सुदर्शन बरालले शुभारम्भ गर्दै मन्त्रालयले स्वास्थ्य सेवालाई पहिलो प्राथमिकतामा राखेको जानकारी दिनुभयो । मन्त्रालयका सचिव डा. गोपीकृष्ण खनालले तीन तहका सरकार मिलेर स्वास्थ्य सेवालाई एकीकृत ढङ्गले लैजान आवश्यक रहेको बताउनुभयो । प्रयोगशाला कार्यालयका निमित्त प्रमुख डा. राजेन्द्र गिरीले कार्यालयमा अहिले १२ जनाको दरबन्दी रहेको जानकारी दिँदै प्रयोगशालाको लागि नमूना लिन शुरु गरिने बताउनुभयो ।