बेइजिङस्थित नेपाली दूतावासद्वारा हुबेइ प्रान्तबाट नेपाल फर्कन चाहने नेपालीको नाम सार्वजनिक(नामसहित)

काठमाडौं । चीनको बेइजिङस्थित नेपाली दूतावासले हुबेइ प्रान्तबाट नेपाल फर्कन चाहने नेपाली विद्यार्थीको नामावली सार्वजनिक गरेको छ । दूतावासले नेपाल फर्कन चाहने विद्यार्थीका लागि सरकारले चार्टर्ड विमानको व्यवस्था गर्ने जानकारी दिँदै आवेदन दिन आह्वान गरेको थियो । दूतावासले शनिबार नेपाल फर्किन चाहने विद्यार्थीलाई विवरण पेस गर्न आह्वान गरेको थियो । दूतावासको आह्वानपछि कोरोनाभाइरसको संक्रमणका कारण आवागमन बन्द भएका हुबेइ प्रान्तमा अध्ययनरत १८० विद्यार्थीले स्वदेश फर्किन इच्छा देखाएका छन् । साथै दूतावासले नाम छुटेको भए दूतावासमा सम्पर्क गर्न आग्रह गरेको छ । सार्वजनिक सूचिमा आफ्नो नाम नभए विवरणसहित दूतावासको इमेल ठेगाना  [email protected] मा इमेल पठाउन सम्बन्धित सबैमा दूतावासले आग्रह गरेको छ।

हुबेइ प्रान्तबाट नेपाल फर्किन इच्छुक नेपालीहरुको अद्यावधिक सूची