चीनले दश दिनमा बनाएको एक हजार शैयाको अस्पताल संचालनमा

चीनले कोरोना भाइरस संक्रमितको उपचारका लागि १० दिनमा एक हजार शैयाको अस्पताल बनाएको छ । वुहानमा चीनले बनाएको एक हजार शैयाको अस्पताल सोमबारदेखि सञ्चालनमा आएको हो । चीनले नयाँ अस्पतालमा स्वास्थ्यकर्मी र स्वास्थ्य उपकरण पठाइसकेको छ । बिहान १० बजे अस्पतालमा एक जना बिरामी आइपुगेका छन् । डिसेम्बर अन्तिमबाट फैलिएको कोरोना भाइरसका कारण चीनमा ३६१ र फिलिपिन्समा एक जनाको मृत्यु भइसकेको छ । त्यस्तै १७ हजारभन्दा बढी व्यक्ति यसबाट संक्रमित भएका छन् ।