मेडिकल कलेजहरुले लिएको बढी शुल्क फिर्ता गर्ने सहमति कार्यान्वयन भए/नभएको जानकारी गराउन कांग्रेस सांसदको माग

काठमाडौं । नेपाली कांग्रेसकी सांसद डा. डिला संग्रौलाले चिकित्सा शिक्षा आयोगका उपाध्यक्ष डा.कृष्ण गिरीको योग्यताको विषयमा छानबिन गर्न सरकारसँग माग गर्नुभएको छ । प्रतिनिधिसभाको मंगलबारको बैठकमा सांसद संग्रौलाले यस्तो माग गर्नुभएको हो । उहाँले भन्नुभयो, ‘चिकित्सा शिक्षा आयोगका उपाध्यक्ष डा.कृष्ण गिरीको योग्यतामाथि प्रश्न उठेका छन् । सत्य तथ्य के हो ? छानविन हुनुपर्याे ।’ त्यसैगरी नेपालका मेडिकल कलेजले लिएको बढी शुल्क फिर्ता गर्ने सहमति भएपनि कार्यान्वयन नहुन नसकेको भन्दै त्यसबारे यथार्थ जानकारी सदनलाई गराउन माग गर्नुभयो ।