क्यान्सर जितेका १३ वर्षीय बालक रिम्पो योल्मोको निमोनियाका कारण निधन

काठमाडौं । ब्लड क्यान्सर जितेर विद्यालय जान थालिसकेका १३ वर्षीय साहसी वालक रिम्पो योल्मोको निधन भएको छ । निमोनियाका कारण विरामी परेका योल्माको मंगलबार राति उपचारका क्रममा ओम अस्पतालमा निधन भएको हो । ब्लड क्यान्सर जितेर ’क्यान्सर ठुलो रोग होइन’ भनेर सन्देश दिने योल्मोलाई निमोनियाबाट भने बचाउन नसिकएको योल्मोका पिता नोर्बुले बताउनुभएको छ । क्यान्सर जितेका योल्मोले नेपाल क्यान्सर हस्पिटल एण्ड रिसर्च सेन्टरले गतवर्ष आयोजना गरेको क्यान्सर सर्भाइभर र्याम्प शोमा समेत भाग लिएका थिए ।