कोरोना भाइरसका कारण यसरी फिर्ता हुँदैछन् चीनबाट विदेशी नागरिक, हेर्नुस् फोटोमा

कोरोना भाइरसले चीनमा महामारीको रुप लिएपछि विभिन्न देशले आफ्ना नागरिक फिर्ता लैजान थालेका छन् । अमेरिकाले आफ्ना अत्यावश्यक बाहेकका सबै नागरिक र उनीहरूका परिवारका सदस्यलाई सबैभन्दा पहिले भाइरस देखापरेको चीनको वुहान सहरबाट फर्किन निर्देशन दिएको छ । ब्रिटेन र फ्रान्सले समेत आफ्ना नागरिकहरूलाई सकेसम्म चीन छाड्न भनेको छ । जापानले पानी जहाज पठाएरै आफ्ना नागरिक फिर्ता ल्याइरहेको छ । ताइवानले शुक्रवारबाट मुख्यभूमि चीनको पछिल्लो दुई सातामा भ्रमण गरेका विदेशीको आगमनमा रोक लगाउने बताएको छ । मकाउले समेत आफ्नो अर्थतन्त्रको मुख्य स्रोत क्यासिनोहरू अस्थायी रूपमा बन्द गरेको जनाएको छ ।