रुघाखोकी र ज्वरो जाँच्न मन्त्रालयको टोली सिन्धुपाल्चोक प्रस्थान

जनस्वास्थ्य  सरोकार, काठमाडौँ । सिन्धुपाल्चोकको जुगल गाउँपालिकामा ज्वरो, रुघाखोकी र झाडापखालाको विरामी बढेपछि स्वास्थ्य मन्त्रालयको टोली जाँच गर्न गएका छन् । जुगल गाउँपालिका स्वास्थ्य शाखाका संयोजक अनिल साउदको भनाइ अनुसार स्वास्थ्य मन्त्रालयको टोली बुधबार साँझसम्म आइपुग्ने छ । उहाँले भन्नुभयो -‘केही बिरामी औषधि खाएर निको भएका छन् तर अस्वाभाविक रुपमा धेरै भएपछि हामीले उहाँहरुलाई बोलाएको हौँ। उहाँहरुले कोरोना हो वा होइन जाँच गर्ने भन्नुभएको छ ।’ सिन्धुपाल्चोकको बिरामीको अवस्था सुन्दा कोरोना नभएको भन्ने देखिए पनि शंका निवारण गर्न स्वास्थ्यकर्मीको टोली बिरामी रहेको गाउँमा पठाउने बताउनुभयो ।