कान्तिमा डा. पौडेल निर्देशक, को कहाँ कहाँ सरुवा भए ?

जनस्वास्थ्य सरोकार, काठमाडौं । स्वास्थ्य मन्त्रालयले कान्ति बाल अस्पतालको निर्देशकमा बाल रोग विशेषज्ञ डा. कृष्णप्रसाद पौडेललाई नियुक्ति गरेको छ । स्वास्थ्य मन्त्री भानुभक्त ढकालको मन्त्रीस्तरीय निर्णयले डा. पौडेललाई कान्तिको निर्देशकको जिम्मा दिइएको हो । अस्पतालका निवर्तमान निर्देशक डा. आरपी विच्छालाई भने कतै सरुवा गरिएको छैन । यसैगरी शहीद शुक्रराज ट्रपिकल सरुवा रोग अस्पतालका निर्देशक डा. बासुदेव पाण्डेलाई इमिडिमियोलोजी तथा रोग नियन्त्रण महाशाखाको निर्देशकमा नियुक्त गरिएको छ भने सो महाशाखाका निर्देशक डा. विवेक कुमार लाललाई ठिमीस्थित राष्ट्रिय क्षयरोग केन्द्रको निर्देशकमा पठाइएको छ । केन्द्रका निर्देशक डा. सागर राज भण्डारी टेकुस्थित शहीद शुक्रराज ट्रपिकल सरुवा रोग अस्पतालको निर्देशकमा सरुवा गरिएको छ । यसैगरी डा. रबिन खड्कालाई वीर अस्पतालमा ल्याइएको छ भने डा. चुमनलाल दाशलाई कोशी अस्पतालको मेडिकल सुपरिडेन्टेन्टको जिम्मेवारी दिइएको छ । डा. प्रकाश थापा भेरि अस्पतालको मेडिकल सुपरिटेन्डेन्ट हुनुभएको छ ।