प्रधानमन्त्री ओलीको मिर्गौला प्रत्यारोपण बुधबार, भोलीनै त्रि.वि. शिक्षण अस्पताल भर्ना हुने

जनस्वास्थ्य सरोकार, काठमाडौँ । प्रधानमन्त्री केपी शर्मा ओलीको बुधबार मिर्गौला प्रत्यारोपण गरिने भएको छ । प्रत्यारोपण त्रि.वि. शिक्षण अस्पतालमा हुने भएको छ । यसका लागि उहाँ भोलि नै अस्पताल भर्ना हुने बताइएको छ । सत्तारुढ नेपाल कम्युनिस्ट पार्टी (नेकपा) को आइतबार बसेको सचिवालय बैठकमा प्रधानमन्त्री एवं नेकपा अध्यक्ष ओलीले आफ्नो उपचार योजनाबारे जानकारी गराउनुभएको थियो । बैठक पछि प्रवत्ता नारायनकाजी श्रेष्ठले भन्नुभयो -'बुधबार प्रधानमन्त्रीको मिर्गौला पुनःप्रत्यारोपण हुनेछ, त्यसका लागि सोमबार नै अस्पताल भर्ना हुनु हुनेछ ।' आइतबार बसेको सचिवालय बैठकले पुनःप्रत्यारोपणको कामना गरेको प्रवक्ता श्रेष्ठले बताउनुभयो । प्रधानमन्त्री ओलीले यो दोस्रो मिर्गौला प्रत्यारोपण हुनेछ । प्रधानमन्त्री ओलीको २०६३ मा भारतको अपोलो अस्पतालमा मिर्गौला प्रत्यारोपण गरिएको थियो । त्यसयता उहाँले निरन्तर औषधि खाइरहनुभएको छ ।